بیز اوزاقدا یولداش
یاخیندا دوشمان
دایان قارداش
آزدالیقدا ایتیرمیش سن اوزونو
گتیرمیشسن تبریزیمه
آزادلیغین سوزونو
و اونوتموشسان بوشهرین
قهرلی بوغازینی
بوغاز دئدیم، چکدیین سیقارالار یادیما دوشدو
بورکوم بورکون
و تیکرار تیکرار دانیشدیغیمیز دوشونمه دیکلریمیز.
بئش یاشینداکی بیلگین قیز
یوخسا بیر پری دی او
بیلمه دیم. بیلدین می؟
داریخیرام
داریخیرسان
شهر ایشیغی سانجیلی
باجیلارین گوزلرینی یولدا قویما
قویما سنی یاد اللرده هده له سین دار کوچه لر
گل تبریزه
قوی یاشادسین بوشهرده اللرینی یار کوچه لر
کوچه میزده بیر قیز واردی
کوچه نیز ده بیر قیز واردی
اوچدو کئتدی
اینانمیرام کئتمه یینه
دایانمادی
دا یانمادی!
یانمادی
آنمادی
آدی؟
سن بیلیرسن بو کوچه نین گوناهینی
بو کؤچه نین گوناهینی.
یوخسا بو گوناهدان دئییل
گوزلریم سئییرییر.
و ساییقلاییرام گون اورتا چاغی